قصه حلف ناجح ومتميز للأبد الحلقه الثانيه

نبدأ الحلقه الثانيه من قصه حلفنا
في الحلقه السابقه كنت عباره عن لمحه إجماليه بعض الشئ وسوف نفصل لبعضها في تلك الحلقه مع ذكر أشياء جديده
بعد إنشاء الحلف تم إلتحاق عضو يسمي (س) إسم رمزي له وسوف أحاول إخفاء معالمه
العضو (س) كان لحوح لدرجه غريبه ولكنه كان صغير السن قليلا إلا أنه كان شاطر في اللعبه ودماغه نضيفه
المهم العضو ده دخل الحلف وبعد دخوله إستأذني للخروج منه وتأسيس حلف بإسمه وأساعده في كده ومكنشي فيه مانع عندي وبلغتو إن بكده مش حيكون ليه الحق في دخول الحلف إلا بشرط جزائي إتفقنا عليه وتم الانفصال وعمل حلف بإسمه المهم الحلف ده مستمرش كتير وفشل وطلب الالتحاق بيا تاني وافقت وبدأ يجتهد أكتر وحسيت إنو ممكن يكون مسؤل وأديه منصب بس كان عندي شك في ده علشان صغر سنه وحاجات تانيه مش عايزين نذكرها وبالفعل مسك منصب الجنرال في الحلف وكان فيه مجموعه قوانين تم وضعها لتنظيم الحلف كان من ضمنها عدم مهاجمه أعضاء أكثر من 3000 نقطه عدم مهاجمه أعضاء التحالفات (سياسه العصر السلمي ) وكان الهدف من مهاجمه من هم أقل من 3000 أن يرتقو بنقاطهم او الاستفاده منهم في حال عدم إستفادتهم بذلك ومهاجمه كل من هو خارج حلف لتشجيع اللاعبين علي الالتحاق بتحالفات وتشجيع اللعيبه علي الروح الجماعيه بديلا عن الروح الفرديه
وكان محظور علي الكل إرسال بريد موزع حتي الوزراء إلا بإذن حتي لا يحدث فوضي كما سترون
قام الجنرال (س) بإرسال بريد موزع بدون إذن يلغي فيه القانون السابق ووضع قانون من دماغه دون إستشاره
تم تحذيره في ذلك وأرسلت بريد موزع أخر ينفي ماقاله
إلا أنه قام بإرسال بريد موزع أخر بدون إذن أيضا يقوم فيه بتغير موقع الحلف إلي موقع أخر أنشأه هو .
ومن هنا فاض بيا الكيل وتم نزع الرتبه منه وإنزاله لرتبه مخالف للقوانين البريد الموزع لمده إسبوعين والتي كان من يعاقب بها يحرم من كافه الامتيازات الممنوحه للأعضاء حتي من حق الدفاع عنه
العضو (س) قام بمراسلتي حتي أعطيه المنصب مره أخري دون تكرار ذلك ثم توصلنا إلي أن نقوم بإنشاء محكمه للتحكيم بيننا وكان هو من إختار أعضاء تلك المحكمه وكانوا علي ما أذكر تقريبا
amoonah
ahawh87
ashwaq
وكان شرط الحكم إما أن يعود له منصب الجنرال
او أن يعود له منصب الجنرال بدفع مبلغ من الموارد مني له
أو ان يدفع لي مبلغ من الموارد
او أن يدفع مبلغ للموارد بالاضافه إلي عقوبه من إختياري
او عقوبه من إختياري فقط
المهم إتحكم بأخر عقوبه وهي عقوبه من إختياري
بدأت أنا والعضو (س) نشد تاني مع بعض ووصلنا لنهايه مش كويسه مع بعض فإختار هو الخروج من حلف NATO ARAB KING وتأسيس حلف جديد يسمي NATO ARAB KING2 كفرع لنا ولم أوافق علي ذلك في بادئ الامر والعضو (AMY) كان حصل ليه موقف ترهيب من العضو (س) بإن (س) مسيطر علي الفرع الرئيسي وحيتم ضرب AMY العضو إذا مدخلش عندو في الحلف
ومن هنا بدأت أحس بخطوره الفرع الوهمي فإتفقت مع العضو (س) إنو يقوم بتسليم القياده لعضو عندي أثق فيه علشان تكون الامور تحت السيطره والحمد الله قد كان وتم تسليم القياده ل KARIM_KING
وكريم كان أقل منو في النقاط وده كنت قاصده حتي أستفز في العضو (س) رد فعله وأشوف إن كان لسه عنده الاعتراض وخلاص ولا لأ وفعلا كان فيه برضو إعتراض بس بدأ يهدي مع الوقت دي كانت مرحله من المراحل من تاريخ حلفنا
بدأ يحصل توتر بين VIC و JS قبل إنشاء الفرع الثاني
وذلك التوتر كان في الكواليس ثم بدأ كل حلف يقوم بمناوشات مع الاخر ثم بدأم توسيع الدائره وإستقطاب تحالفات في صف كل منهم إما بالمفاوضات وإما عن طريق إستخدام القوه وكان لكل حلف منهم سياسه خاصه
JS بدأ بالهجوم وقمنا برد الهجمه ثم بدأنا نتفاوض تمهيد لمعاهده سلام وصل الكلام للعضو (س) وهو علي علاقه ممتازه بVIC قال ليا طيب ماتتكلم مع VIC هما عندهم إستعداد يساعدوك لو في حرب طبعا المساعده مش لسواد عيوني دي مصالح بدأت اتفاوض مع الطرفين إلا إني رفضت إكمال المفاوضات بسبب إن الاتنين كانو عايزين إندماج مش معاهده سلام وبدأ يحصل هجمات بسيطه من الطرفين ونرد عليها وهاكذا
لغايه ما قامت الحرب بين VIC و JS وكا الJS مضروب وخسر كتير من حلفائه وبدأ يدور علي تحالفات تعمل معاه معاهده سلام تجنبا لهجماتهم كمان علشان يركز مع ضربات ال VIC
إستمرت الحرب دي لمده شهرين او أكثر تقريبا عدي عليها نسختين
وكان السب الرئيسي فيها هو أن الJS تقدم علي VIC وبدأ التنافس بينهم يحتدم
أسوء ماكن في تلك الحرب وأي حرب عموما المنتدي العام للعبه كله عباره عن بذائات وسب وقله أدب حسبي الله ونعمل وكيل
وكان شعار ال JS صامدون
وشعار VIC إكتساح
مع إني كنت مؤيد للJS سابقا لأسباب شخصيه وهي أنهم تخلي عنهم أصدقائهم في الحرب من أول ضربه
ASHWAQ
إسم له معزه وتقدير في قلبي وإحترام كبير أشواق كانت إحدي الاعضاء المميزين لدينا في الحلف لم أعلم أنها بنت إلي في وقت متأخر لفت نظري ليها هدوئها وتريثها في اللعب وحكمتها في القرارات
عجبتني في حكمها لما كانت بتحكم مع إن حكمها مكنشي عاجبني شخصيا بس حسيت إن فعلا كلامها صح وإن عندها إدراك عالي وعايزه توضح أشياء وعندها إستعداد للنقاش (الحر اللائق إلي فيه تقبل وجه نظر الاخر ) إنبسطت جدا إن في حلفي عضوه زي دي عندها الموهبه دي
عرضت عليها تمسك منصب وزير الخارجيه (الدبلوماسي) إعتذرت في البدايه بحجه إنها مش حتكون قد المسؤليه لكن بإلحاح بدأت تقبل وقبلت المنصب وماشاء الله عليها كانت متميزه للفتره دي (سياسه السلام) كان عندها حكمه إزاي تخلي العدو يبدأ يتراجع بينو بين نفسو بدون تحرك منا
أشواق كان نفسي أعرفها علي المستوي الشخصي بس محصلش وكان يشرفني ده علشان أتعلم منها حاجات كتير زي ماتعلمت من ناس كتير هنا ولسه حتعلم منكم
بس ياجماعه عايز دعواتكم ليها بالشفاء إنشاء الله بعتت ليا رساله في أحد الايام تقول إن هيا حتترك اللعبه علشان حتروح أمريكا تعمل عمليه في رجلها ويارب ربنا يشفيها وترجع بلدها بالسلامه
كل ما أفتكرها أدعي ليها كانت جارتي في جزيره العنب هيييه الله يمسيها بالخير ويشفيها
نكمل بقي في الحلقه الثالثه إن كان لينا عمر
انا داخل